Aziz va mo'tabar AYOLLAR!

Sizlarni Bahorning go’zal bayrami 8-mart  Xalqaro xotin-qizlar kuni bilan chin qalbimizdan tabriklaymiz!

Sizlarga mustahkam sog’liq va ko’tarinki kayfiyat, kasbingizga omad, oilangizga tinchlik-xotirjamlik va baxt  tilaymiz! Xayotingiz yorqin unitilmas lahzalar, sodiq do’stlar bilan to’la bo’lsin.

Aziz ayollar, qalbimizdan, yuragimizdan sizlarga bo’lgan chuqur hurmatimizni izhor etib, Sizlarni shodu-hurramlik, go’zallik va nafosat hech qachon tark etmasligini tilab qolamiz.

Eng yaxshi tilaklar bilan ARM jamoasi!

                   Onaga

     Dunyoning eng mayda zarrachasidan

     Koinot atalgan toqiga qadar,

     Jismi jon, siymu zar - har ne boyligin

     Onaning poyiga tashlasak agar,

     Bir kunlik mehnati baholanurmi?

     Olamning bor ilmin aylab bir kitob,

     Fozilu olimlar to`kib ko`z nurin,

     Har qanday savolga topilib javob,

     Yechsalar hayotning har neki sirin,

     Allaning bir so`zi izohlanurmi?

     Yuz imon keltirib Kalomulloga,

     Uch bora yaxshilik aylab onaga

     Va yana yuz tavba-tazarru qilgach,

     Yaxshilik aylasak qavmi otaga-

     Bir lahza onaga tenglab bo`lurmi?

     Bilmadim, bilmadim, men g`ofil banda

     Ona ta`rifiga ojiz qalamim,

     Ammo sig`nishni qilmayman kanda:

     Ona – hayotimdir, Ona – Vatanim,

     Onaga sig`inmay yashab bo`lurmi?

                 She`rlar og`ushida

     She`rlar og`ushida kezasan, dibar,

     Mahzun xayollarning kulbasi ko`zing.

     Mudratib qo`ydimi g`amgin nolalar,

     Tushingga kirdimi zavqli kunlaring?

     Labingda tong otmay qo`ydi-ku, jonim,

     Hadik achomladi nigohlaringni.

     Ishonching tark etib mangu makonin,

     Shubhadan orttirding gunohlaringni.

     Bu dunyo bag`rida tamasiz bo`lib,

     Hech kimsa qolmadi mendan yulmagan.

     Bir marta yuzimga boqsang-chi kulib,

     Yolg`iz sen qolgansan dushman bo`lmagan.

Eshqobil Vali. Sukunat mulki she`rlar to`plamidan.